Aso Lua 29 Aukuso 2023
I se fa’asilasilaga alo’aia (Writ) ua tuuina mai e le Ofisa o le Komesina o Faigapalota, o lo o ua faailoa mai ai o le Aso Tofi o le vaiaso nei, le aso 31 Aukuso 2023, o le a fa’agata ai le toe fa’aui I tua o filifiliga o sui tauvā e to’a 8 , ua mae’a ona fa’amauina mo palota laiti a Siumu, Faleata 4 ma Vaa o Fonoti.
O lo o faailoa mai foi I le Faasilasilaga aloa’ia lea, o le Aso Lulu 13 o Setema 2023, o le aso lea ua atofaina mo le faigapalota muamua (pre-polling) ona fa’atino ai lea o Faigapalota La’iti ile Aso Faraile, 15 o Setema 2023.
PIRIOTA ATOFAINA MO FA’ALAUILOA A SUI TAUVA MO FAIGAPALOTA LA’ITI
Ae I nisi o ripoti ua tuuina mai ile mae’a ai o se feiloaiga a Tusitala i Samoa ma le Komesina o Faigapalota, na amata ile aso To’onai na tea nei le piliota ua faataga ai ile tulafono ona faia talaiga faalauiloa a sui tauva ma pati faaupufai mo palota laiti o loo loma.
Fa’ailoa mai I ripoti mai lea feiloa’iga, o le piriota mo fa’alauiloa a sui tauvā e faatoa faamuta ile vaeluaga o le po o le aso Lua aso 12 o le masina fou o Setema ao lumanai le palota muamua ma palota la’iti i aso e pei ona atofaina.
Source | Samoa Office of the Electoral Commissioner [OEC]
