Aso Lua, 26 Setema 2023
Tusia e: Marieta Heidi Ilalio
Ua fa’amaonia mai le o’o atu o le Ripoti a le PSC e pei ona fa’atinoina ai a latou su’esu’ega i nisi o tu’ua’iga matuia fa’asaga i le Ofisa Sili o le Matagaluega o Tina ma Tama’ita’i ia Dr Mema Motusaga, i luma o le Kapeneta.
O le vaiaso ua mavae lea e fa’apea na fa’amavae ai le Dr Mema Motusaga mai lona tofiga a’o iai i atunu’u mamao ma o le ripoti lenei e pei ona ta’ua, o lea o lo’o fa’atalia le soalaupule ma talanoaina e le Kapeneta ma iloa ai se fa’ai’uga maumaututu e uiga i tu’ua’iga e pei ona faia fa’asaga i lenei Ofisa Sili.
E le’i mafai ona maua se fa’atalatalanoaga ma le afioga i le Minisita o le Matagaluega o Tina ma Tama’ita’i ia Leota Laki Lamositele Sio ona o lea fa’ato’a taliu mai i fonotaga sa feagai ai i atunu’u e mamao.
